Bowlig

近期真係熱愛保齡球呢項運動!
想同開始打係去澳洲讀書之前o既事(4,5年前).....不過開始無耐就要走lu....
直至最近至再學番!好認真ga我!
雖然我知依傢打得唔好,不過我會不斷改善同進步!!
我想保齡係我可以打到老o既一項運動!
至於排球,仍然係我o既最愛,畢竟佢陪我渡過我o既讀書時期....
有好多好多回憶.....但呢項運動唔係成日都可以打...
要夠12個人真係一件難事....人大o左個個都忙.....
同埋排球唔係可以呢一刻想打就可以去打....呢樣係同bowling最大o既分別....
但bowling....真係好貴......我都係要努力搵錢同埋買少d野至得啦.......

簡單

又一個月啦..........足足一個月無upate呢度.....
其實好多時都想寫....不過唔知點解login 完之後又唔知寫咩好.....
究竟係無野寫呀....?定係唔識寫...........
近幾日都有同一種強烈o既感覺,就係好想好想過d簡簡單單o既生活....
突然好想有自己o既一個家,好想有一個有共同目標共同努力o既另一半....
o係事業上亦都好想成功,得到自己想追求o既野!
其實我都係一d好勝o既人,有時可能會衝動!
但我對自己所做o既野唔會後悔,亦都懂得負責任!
我無後悔過幫家姐手,但亦都知自己唔會長遠留o係度....
因為我真係好想出去闖闖....好想證明自己o既實力!
但有個朋友講得好o岩,既然你係有實力o係邊度都可以證明!
無錯!!所以我首先要用我o既能力幫家姐成功!!之後就可以接受另一挑戰!
我知!我知一定會成功ga!!
我就係我!以前o既我成日都好在意人o地o既感受...做一d自己唔會開心o既事...
今日o既我做法可能有一點唔同....但想法無變!
我仍然好在意自己身邊o既人感受!我仍然好愛你o地!
係我朋友o既自然會明白我,我相信!!

3/8/07 不能說的秘密

今晚又去睇戲~~~"不能說的秘密"~Jay chow 第一部執導的電影!

又係滿懷希望咁去睇, 果然無令我失望!
Jay 演技唔突出, 女主角唔算好靚女,但兩個配合得好好,好自然....
jay cool cool o地好可愛, 桂綸美都清純得好可愛,仲愈睇愈靚~!
簡單輕鬆o既開頭,加緊張感人o既結局,剪接得唔錯,
可能從中會有疑問,但以一個故事o黎睇,真的不俗!
另外,黃秋生o既角色亦都不可缺少~好有趣!

以港產片o黎講真係唔錯!值得一看!

今晚.....個人輕鬆了......

2/8/07 五星級大鼠

"五星級大鼠"~又係Disney x Pixar 力作!
今日上畫, 已經急不及待去睇~
故事唔稱得上好特別, 但畫工好靚....
戲中窗外o既paris好靚.......
攪笑位當然有, 但略嫌中間有少少悶場....
總括而言, 比我預期o既一般.....覺得"反斗車王"好睇d!

睇戲時好投入去欣賞...輕鬆o左2個鐘....
睇完戲後心情變得更低落......點解....?

Baby~

wai yin~~~Happy Birthday!!

2/8/07 痛......

人o地成日話一起身又係開心同好o既開始,但今日我完完全全感受唔到.....
起身後.....心情好沉重.....全因尋晚發o既一個夢.....
呢個夢好現實好現實.....係一個我好怕去面對o既情景....
o係夢中面對o個一刻我好心痛.....而呢種痛令我痛醒.....
尋晚瞓得唔好....但又好想迫自己繼續瞓,想知道故事o既結局....
結局好朦朧....但心痛o既感覺一d都唔朦朧......
個心.....真係好痛.......
執著o既我.....係時候學懂放開.....

18/7/07 好巧合!!

今日朋友陪我出sham shui po睇遊戲機~
想買wii好耐...不過一直都諗住等行貨無買!
等了又等...大半年啦.....都未出....
最後都忍唔住買o左~~yeah~~
以後又要做非法野啦!! >0< (dl...dl.....)
今日個朋友唔係識o左好耐....食飯傾計時講起年齡....
我: 你幾多歲呀?
朋友: 應該大過你啦....
我: 未必....應該差唔多!
朋友: 我25囉!
我: 我都係呀!咁你幾月生日呀?
朋友: 5月囉~
我: 我都係wor!!咁你邊日呀?
朋友: 19囉!!
我: 我都係wor!!!!!!!!!!!!咁o岩o既!!!!!!!!!!
同年同月同日生!真係好興奮!!亦都感到好奇妙!!!

番到屋企...大b即刻叫我...."機機...機機...."
佢唔係開心見到我....只係想lor我部nds....真係俾佢激死!!
不過佢又真係好得意!!!haha~

點解屋企成日都咁嘈....家無寧日.....
係性格?定係有問題?好嘈呀!!

最近個惱好多野諗....好煩!!

超滿足的一天

呢兩日o係鋪頭都有人陪食飯盒,好開心~
尋日下晝仲嗌埋"松記"糖水~~好好味呀!!
夜晚約o左Q佢o地去九龍城食dinner~
我一直都好想去o個頭食飯o架,因為覺得有好多好好味o既野食~
但因好似交通唔方便,所以一直都無去~
今晚挑選o左一間thai food~"小曼谷"~
其實d人出到去係咪都係食thai野呢?成條街都係...超多~!
我o地今次又order o左好多food~
冬陰公,唔辣又好味~蝦剌身,好鮮甜~咖哩蟹,d汁甜甜o地,加埋蒜包,正!!d 蜆又勁大隻!嚇親人!
仲有好多串燒,泰式併盤,烏頭魚,炒菜苗,椰青!好豐富好豐富~~~好好味!
食完之後仲去o左間叫"金滿堂"o既食甜品~
叫o左d粿子都幾好味~又靚喎~!值得再去!!
今日超滿足呀~~~!
對於我o黎講,同朋友食到好好味o既一餐已經好開心了~~!

了解

早兩日去o左唱k.....發洩o左成晚~真好!
幸得有兩友陪伴!
可能彼此仲未夠了解對方啦....所以常發生d誤會同不快.....
多謝你將我視為重視o既人.....
不過我份人有時就係咁....無心咁講o左d唔應該講o既說話...
希望你明白同諒解啦!但我真係無心o架!
星期五嘛~約定你!

第2日豹o左cutin d朋友仔o係"王家沙"食飯~
好耐無見啦!!大家都好似有d唔同o左....除o左外形,每人身邊都有改變!
我o地(其實係我)order o左好多餸,超飽!!
其實數量係o岩o岩好o架!!!係食唔到甜品咋嘛~ >_<
食完去o左打機...不過無我o地想玩o既game!所以玩o左一陣就走lu~
近期真係愛上o左打機!!!!繼中學之後真係好耐都無打過~
一打又上癮!!!朋友成日話我好爛玩.....莫非佢得話得我無錯?!但我自己都唔係好認同!!哼~
打先之後仲有節目,上o左cafe傾計同玩cards~~不過坐o左個幾鍾就走lu~
一o黎第2日要番工,二o黎因為屋企發生o左d事....所以快d番去好d~
anyway,i enjoy tonite!

Happy Birthday to My Buddy

Happy Birthday!
Hope u enjoy tonite!
Ooshers r always there!
Cheers~~~~~~~~~!!

快樂的鑰匙

可能會有人記得.....我o係以前o既blog出過一篇文章....."快樂的鑰匙"...
一篇對我好有意義同印象深刻o既文章......時常提醒住我....

快樂的鑰匙

一個成熟的人握住自己快樂鑰匙，他不期待別人使他快樂，反而能將快樂與幸福帶給別人。
每人心中都有把「快樂的鑰匙」，但我們卻常在不知不覺中把它交給別人掌管。
一位女士抱怨道：「我活得很不快樂，因為先生常出差不在家。」> 她把快樂的鑰匙放在先生手裡。
一位媽媽說：「我的孩子不聽話，叫我很生氣！」她把鑰匙交在孩子手中。
男人可能說：「上司不賞識我，所以我情緒低落。」這把快樂鑰匙又被塞在老闆手裡。
婆婆說：「我的媳婦不孝順，我真命苦！」
年輕人從文具店走出來說：「那位老闆服務態度惡劣，把我氣炸了！」
這些人都做了相同的決定，就是讓別人來控制他的心情。當我們容許別人掌控我們的情緒時，我們便覺得自己是受害者，對現況無能為力，抱怨與憤怒成為我們唯一的選擇。
我們開始怪罪他人，並且傳達一個訊息：「我這樣痛苦，都是你造成的，你要為我的痛苦負責！」此時我們就把一重大的責任托給週圍的人，即要求他們使我們快樂。
我們似乎承認自己無法掌控自己，只能可憐的任人擺佈。這樣的人使別人不喜歡接近，甚至望而生畏。
但一個成熟的人握住自己快樂的鑰匙，他不期待別人使他快樂，反而能將快樂與幸福帶給別人。他的情緒穩定，為自己負責，和他在一起是種享受， 而不是壓力。
你的鑰匙在那裡？在別人手中嗎？快去把它拿回來吧！
愛的反面不是仇恨，而是漠視且不關心。Love changes everything.
這篇文章希望你能體會到它的涵意。其實我們身處的地方，不論是環境、人、事、物都很容易影響我們的情緒起伏，可是千萬別忘了！！不要因為他人的一句話，而在意太久哦!!

要做到真係唔容易......但我會銘記於心!

Changed Finally......

最後都係捨棄o左multiply.....搬o左o黎blogger....
雖然function 好似無咁多.....不過simple d都好o既....唔駛咁慢同煩~
好多野都係....簡單就是美呀嘛....
blog 就轉o左.....唔知其他野都會唔會陸續有改變呢?
好多野真係想改變一下.....

好耐都無試過嬲啦....好似係好小事咁(其實真係好小事)....
但原來要嬲o既時候好小事都可以好嬲....
同埋原來嬲真係可以好唔開心....
要唔嬲?好容易....就係唔再重視任何人...

唔知係咪心情嘛嘛....今日難得有假放但無出街玩....平時又鬼咁多街出wor....
全日都好懶...諗住同亞b落樓下波波池又無去...唔知佢會唔會嬲我呢!>0<
終日o係度睇you tube同瞓晏覺......help.....
今晚實夜夜都瞓唔著啦!!